Ilir Meta, ka deklaruar se: Rënia e konsumit si rezultat i çmimeve të larta është sinjal alarmi. Kjo, për situatën e vështirë në të cilët gjenden familjet shqiptare.
Kreu i Partisë së Lirisë ka reaguar me anë të një postimi në Facebook. Ai u shpreh se indeksimi i pagave, heqja e taksës së qarkullimit dhe liberalizimi i lejeve për energjinë diellore janë disa nga nismat ligjore të PL. Ilir Meta tha se qëllimi i tyre është përballimi i situatës he mbrojtja e interesit publik.
“Rënia e konsumit nga çmimet e larta është sinjal alarmi për vështirësinë ku gjendet ekonomia dhe familjet shqiptare! Trendi shqetësues i rënies së konsumit vijon për të tetin muaj radhazi. INSTAT deklaron se volumi i mallrave në porte për gushtin 2022 është 40% më pak krahasuar me gushtinn e 2021. Situata paraqitet e vështirë për buxhetet familjare, që mund të rëndohet nga vendimi absurd për rritjen e çmimit të energjisë. Kjo situatë nuk zgjidhet me paketa propagandistike, por me masa konkrete efektive”, tha Meta.
Ai shtoi nismat e PL synojnë përballimin e kësaj situate të vështirë për të mbrojtur interesin publik dhe familjet shqiptare.
Kriza energjetike, Meta: Qytetarët janë faturuar dhe kur s’kanë qenë në banesa
Discussion about this post