Deputetja e Partisë Demokratike Jorida Tabaku ka reaguar pas deklaratës së kryeministrit Edi Rama, i cili u shpreh se do të dërgonte satelitët për të monitoruar ndërtimet dhe katet shtesë pa leje.
“Përse na duhen 150 km mbi tokë për të parë diçka që dallohet lehtësisht në mes të Tiranës?”, shkruan ndër të tjera Tabaku në rrjetet sociale.
Ajo kritikoi gjithashtu edhe tenderin e qeverisë për satelitët “Albania 1” dhe “Albania 2”.
Këtë të enjte, u nënshkrua kontrata e shërbimit satelitor në fushën e mbrojtjes dhe sigurisë për monitorimin me teknologji të avancuar të territorit të Shqipërisë nëpërmjet Agjencisë Kombëtare të Mbrojtjes Civile dhe Operatorit SateLogic SHBA.
“Me satelitët nuk do të ketë më mundësi të ndërtohen kate pa leje, sepse satelitët do të kenë mundësi të shohin çdo volum të ngritur në sipërfaqen e tokës”, tha Rama ndër të tjera.
Ministri i Mbrojtjes, Niko Peleshi bëri me dije se kontrata ka vlerën 6 milionë dollar dhe konsiston në përdorimin ekskluziv të dy satelitëve, “Albania 1” dhe “Albania 2”, fillimisht për një periudhë 3-vjeçare, për monitorimin e territorit të Shqipërisë.
ER ka premtuar satelitë për të verifikuar ndërtimet pa leje. Çudi si na duhet ?️ 150 km mbi tokë për të parë diçka që dallohet lehtësisht mes Tiranës. Justifikim cinik për tenderin me vlerë 5.7 mln € në këtë kohë, kur i kërkon ?? sakrifica dhe vetë shpërdoron taksat e tyre!
— Jorida Tabaku (@jorida_tabaku) September 29, 2022
Discussion about this post