Kryetari i Partisë së Lirisë, Ilir Meta e ka konsideruar një veprim të mirëkoordinuar shpalljen non-grata të ish-kryeministrit Sali Berisha.
I ftuar në emisionin “Kontrast”, Meta deklaroi se pas kësaj qëndrojnë kryeministri Edi Rama dhe ish-kryedemokrati Lulzim Basha.
Teksa komentoi edhe marrëdhënien me ambasadoren Yuri Kim, Meta u shpreh se janë korrekte dhe të hapura.
Pyetje: Takimi me Yuri Kim, si i keni marrëdhëniet me ambasadoren?
Meta: Marrëdhëniet e mia kanë qenë dhe mbeten shumë të mira.
Pyetje: Po me ambasadoren?
Meta: Besoj se janë mjaft korrekte dhe të hapura. Kam qenë shumë i sinqertë.
Vangjeli: Sali Berisha ka qenë fati dhe fatkeqësia e Ilir Meta.
Meta: Njeriu fatin e bën vetë. Edhe unë e kam bërë vetë dhe do vazhdoj ta bëj vetë. Çdo njeri e ka fatin në dorën e tij. Unë kam frikë se do duhet kohë që Shqipëria të kenë dy institucione dhe rezultate siç ka qenë në atë kohë. Unë mendoj se SHBA janë të interesuara për forcimin e demokracisë në Shqipëri, ashtu sikurse mendoj se akti ndaj zotit Berisha ishte një vepër e mirëkordinuar mes Bashës dhe Ramës për të mos e patur pas zgjedhjeve. Ishte çdo gjë e koordinuar për qëndrimet për reformën në drejtësi, për të më vendosur mua në vështirësi. Çdo gjë që ka bërë zoti Basha të gabuar, për shkak të pazareve me të, ia ka faturuar zotit Berisha.
Discussion about this post