Në takimin e organizuar sot mbi menaxhimin e mbetjeve, ka qenë i pranishëm dhe ambasadori gjerman Peter Zingraf. Ai iu drejtua kryebashkiakëve duke thënë se ky plan duhet të realizohet për të mirën e Shqipërisë, dhe jo sepse e kërkon Bashkimi Europian.
Mes të tjerash, kryediplomati shtoi se një veprim i tillë është i detyrueshëm duke qënë se vendi ynë i ka hapur negociatat për anëtarësim.
“Këtë më së shumti e bëni për Shqipërinë jo sepse thjesht kërkohet nga BE. Me nisjen e bisedimeve për hyrjen në BE, do të jetë e detyrueshme për rrugën tuaj drejt Europës një plan për menaxhimin e mbetjeve. Gjermania vlerëson shumë që sektori i menaxhimit të mbetjeve është përmirësuar deri në 2020-tën. Nuk duhen thjesht miratime legjislative por duhet të aplikohet nga administrata dhe më pas nga të gjithë qytetarët. Me udhëzimet e prezantuara sot, bashkitë do të marrin një mjet shumë të mirë”- u shpreh Zingraf mes të tjerash.
Discussion about this post