Eros Grezda ka qenë kryefjala e mediave ditët e fundit. Teksa vajza të ndryshme tentojnë të marrin famë duke përmendur emrin e tij, futbollisti më në fund ka gjetur dashurinë. Vetë ai ka publikuar një foto të vajzës që i ka rrëmbyer zemrën. Biondja në foto është pikërisht Ajsel Abazi. Biondja bukuroshe është kushërira e një tjetër personazhi të famshëm dhe pikërisht e Almeda Abazit.
Nuk dihet se kur ka nisur raporti mes dy personazheve, por teksa vetë Erosi shpërndan fotot e saj në rrjetet sociale, lidhja e tyre duket e konsoliduar tanimë. Lajmin e ka bërë me dije vetë Grezda me anë të një story në “Instagram”, ku duket duke darkuar vetëm për vetëm me të dashurën e re.
Por teksa ai po shijon këtë dashuri të re, një modele në Tiranë ka thënë se futbollisti i ka shkruar. Erjola Doci u shpreh se sportisti i kishte shkruar në rrjetet sociale, por më pas e kishte fshirë këtë mesazh.
Nevina Shtylla ka vendosur të ftojë publikisht futbollistin e Kombëtares së Futbollit, Eros Grezda, në një përballje me Erjola Docin. Kjo e fundit njihet për deklaratat e saj të bujshme dhe këtë herë ka “piketuar” futbollistin.
Sipas saj, ai i ka shkruar dhe më pas e ka fshirë mesazhin, gjë për të cilën ajo e quan “frikacak”.
“E di si është puna, rezultoi frikacak. Unë isha zgjuar, po i shikoja dhe nuk ia hapa 3- 4 orë mesazhin. Dhe i bëri “unsend”! tha ajo në “E diell” teksa shtoi: “Bëhu burrë!”
Kështu, moderatorja e ka ftuar Erosin në emision. Përmes një postimi në “Instagram”, ajo shkruan: “Eros po ta bëj publikisht ftesën për në emision ta sqarojmë njëherë e mirë këtë punë”.
Ndërkohë, nga futbollisti nuk ka ende përgjigje. Vlen të theksohet se Eros dhe Nevina janë përfolur për një lidhje vite më parë. Shkak u bënë shoqërimet e tyre dhe komentet në rrjetet sociale. Megjithatë, ata sqaruan se nuk ka asgjë përtej shoqërisë.
Kujtojmë që ylli i futbollit prej gati 1 viti ishte i lidhur me modelen Oriola Marashi. Lidhja e dashurisë mes Oriola Marashit dhe Eros Grezdës ka qenë gjithmonë në qendër të vëmendjes së mediave rozë.
Më tej, i pyetur nëse është single apo në një marrëdhënie, futbollisti deklaroi: “Momentalisht, nga lidhja e fundit që kam pasur jam single, nuk jam lidhur, as nuk dua të lidhem. Dua të shikoj një herë veten time dhe karrierën, pastaj ajo është spontane”.
E duket se kjo periudhë ka përfunduar për futbollistin dhe tani po shijon historinë e re të dashurisë.
Discussion about this post