Deputetja e Partisë Demokratike Flutura Açka, duke sjellë rastin e kryeministrit të Bosnjë dhe Hercegovinës Fadil Novalic, që u sanksionua nga Thesari amerikan thekson se edhe ai “përdori të dhënat e qytetarëve të tij për pushtet.”
Duke mos e kursyer ironinë, deputetja demokrate thotë se edhe “Fadilëve tanë” do t’u vijë ora shumë shpejt dhe prandaj, sipas saj, i ka zënë nervoza kohët e fundit.
Açka kujton patronazhistët, vjedhjet sipas saj, të bëra në zgjedhjet e 25 prillit, parlamentin e “e mbushur me kriminelë dhe Shqipërinë që nuk është më pronë e shqiptarëve por e oligarkëve.
“Tërhiqe këmbën, o Fadil! Edhe fadilëve tanë do t’u vijë ora shpejt, ndoshta e dinë prandaj sikur i ka zënë nervoza kohët e fundit.
Patronazhistin tim, Blendi Gj, dikush e urdhëroi të më numëronte hapat, kafshatat dhe kafetë. Edhe të dhënat e mia, si qytetare shqiptare, dikush i grabiti për partinë që vodhi zgjedhjet e 25 prillit të kaluar. Qeveri si ndërtim pa leje e ardhur me vota të vjedhura.
Parlament si ngrehinë mafioze e mbushur me kriminelë me pushtet, që vjedhin vullnete. Shqipëri si peizazh fajtor nuk është më pronë e shqiptarëve, por e oligarkëve. Ndaj pastë këmbën e mbarë në sanksionet e Zyrës Amerikane të Thesarit ndaj Kryeministri i Bosnjë Hercegovinës, Fadil Novaliç!
Edhe ky, Fadili, përdori të dhënat e qytetarëve të tij për pushtet. Shih rrushi rrushin e kalbur e rrudhu Shqipëria!”
Discussion about this post