A do të arrihet dialogu Kosovë-Serbi? Zbulohet data e takimit të Vuçiç dhe Kurtit

Kryeministri i  Kosovës, Albin Kurti dhe presidentit serb, Aleksandër Vuçiç pritet të takohen gjatë këtij muaji.

Zëvendëskryeministri Besnik Bislimi ka deklaruar në mbledhjen e Komisionit për Integrimin Evropian se “pritet që gjatë muajit tetor të ketë një takim ndërmjet Kurtit dhe Vuçiçit”.

Por ai theksoi se “kjo ende nuk është konfirmuar”. “Pritet që gjatë muajit tetor të organizohet një takim por ende nuk është e konfirmuar”, tha Bislimi.

Takimi i fundit mes dy liderëve është mbajtur më 18 gusht të këtij viti, ndërsa në procesin e dialogut mes Kosovës dhe Serbisë, përveç Bashkimit Europian, janë përfshirë SHBA, Gjermani e Francë.