Aksident në Vlorë/ Shoferja përplas motorin, një i plagosur

Një aksident automobilistik ka ndodhur paraditen e sotme në Vlorë.

Mësohet se në vendin e quajtur “Albano Romina”, një automjet tip “Benz” me drejtuese shtetasen K. B, është përplasur me një motomjet me drejtues shtetasin A. M.

Për pasojë, u plagos drejtuesi i motomjetit, i cili ndodhet në spital nën kujdesin e mjekëve.

Ndërsa shoferja e “Benz-it” u shoqërua në Komisariat për veprime të mëtejshme.

Njoftimi zyrtar i policisë:

Vlorë/Informacion paraprak

Sot, rreth orës 07:40, në vendin e quajtur “Albano Romina”, Vlorë, një automjet tip “Benz” me drejtuese shtetasen K. B, është përplasur me një motomjet me drejtues shtetasin A. M, ku si pasojë është dëmtuar drejtuesi i motomjetit, i cili ndodhet në spital, nën kujdesin e mjekëve.

Drejtuesja e automjetit shtetasja K. B, është shoqëruar në Komisariat për veprime të mëtejshme.

Në vendngjarje ndodhet grupi hetimor, i cili po kryen veprimet në lidhje me sqarimin e plotë të rrethanave të aksidentit.