Ish kryeministri Sali Berisha është pyetur se si qëndron e vërteta, nëse e ka kërkuar deputeti Oerd Bylykbashi takimin me Presidentin Barjam Begaj për të folur për datën e zgjedhjeve lokale.
Por Berisha hodhi poshtë aludimet duke thënë se Bylykbashi është kontaktuar për të shkuar me ftesë të Presidentit për të diskutuar për datën e zgjedhjeve lokale.
Sali Berisha: Jo një por dy zyrtarë të lartë të Presidencës, njëri shef kabineti, i kanë telefonuar Bylykbashit për t’i komunikuar kërkesën e Presidentit për takim duke i komunikuar se bëhet fjalë për zgjedhjet lokale. Cdo variant tjetër është gënjeshtër. Çdo përpjekje e Edi Ramës për të parandaluar fitoren e opozitës e rikthimin e saj në pushtet do dështojë në mënyrën më të plotë.
Discussion about this post