Tiranës i iku nga duart fitorja me Laçin, pasi pësoi në fund një gol që e vulosi ndeshjen në barazim 3-3. Trajneri Orges Shehi, në Oversport, deklaroi:
“E pata thënë dhe para ndeshjes se është ndeshje e vështirë. Shumë pak gjëra gabim dhe aty u ndëshkuam. Sot kishte disa momente që, kur ndeshja ishte 2-1, mund ta mbyllnim ndeshjen. Sigurisht futbolli i tillë është, duhet ta pranojmë rezultatin”.
“Në disa situata mund të bënim më mirë. Në tre javë nuk kemi pësuar dhe sot pësuam tre. Një skuadër që do të jetë në majë nuk mund të pësojë në këtë mënyrë. Nuk mund të shkojmë në një golaverazh të tillë. Xhixha ka momentin e tij më të mirë. Nuk ka gabuar përpara portës”.
“Situata të tilla marrja e vendimit është në të qindtat e sekondat. Na vjen mirë që skuadra edhe kur pëson e kthen ndeshjen, edhe kur barazon e kthen ndeshjen në favorin e vet. Kanë qenë gabime që mund t’i evitonim”, u shpreh Shehi.
Discussion about this post