Takimi i kreut të opozitës me qytetarët në Gjirokastër, u ndërpre për shkak se u shkëput energjisë elektrike. Megjithatë, mësohet se kryetari i PD-së nuk e ka ndërprerë fjalën teksa, situatën e ka shoqëruar me disa batuta, referuar gjithmonë qeverisë. Salla me qytetarët gjirokastritë ka reaguar në të qeshura.
“Këta kanë frikë nga fjala e lirë, duket. Terri dhe errësira janë kriter i kësaj qeverie”, tha Berisha. (Salla qesh).
Takimi po zhvillohet në kuadër të turit “Shqipëri në rrezik”. Berisha e nisi fjalimin e tij duke u shprehur se arsyeja se pse qeveria Rama mori mandatin e tretë, është fakti se nuk u përball me përgjigjen e duhur nga PD.
“Kjo qeveri ka arritur të mbijetojë e të marrë mandatin e 3 se ka përdorur metoda të paligjshme, por nuk ka marrë përgjigjen që duhet nga ne. Duhet të angazhohemi në organizim të përsosur. Tani kemi një diktaturë, nuk ka kampe por ka të gjitha të tjerat. Kudo gjej qytetarë të persekutuar, të ndjekur nga puna e burgosen për një gardh. Gjej standarde të trefishta me ligjin e padrejtësi ndaj qytetarëve”, tha Berisha.
Discussion about this post