Shpërthim i fuqishëm në një pikë karburanti, nëntë persona humbin jetën

Nëntë persona janë konfirmuar si të vdekur, pas një shpërthimi të fuqishëm në një stacion për karburante në qarkun Donegal të Irlandës.

Shpërthimi ka ndodhur në pasditen e së premtes. Policia irlandeze ka thënë se tri viktima janë konfirmuar të premten, ndërsa të tjerat të shtunën.

Tetë persona janë dërguar në spital, pas shpërthimit.

Operacionet e kërkim-shpëtimit është thënë se janë duke vazhduar. Shpërthimi ka shkatërruar ndërtesën e stacionit dhe një ndërtesë banimi në afërsi.

Kryeministri i Irlandës, Micheál Martin, e ka konsideruar incidentin si “tragjedi të papërshkrueshme”.

“I gjithë kombi është i shokuar me atë që ka ndodhur”, ka thënë ai./ REL