Detaje të reja janë zbardhur nga shoqërimi i ish kreut të bandës së Durrësit Indrit Dokle në policinë e Tiranës. Dokle po lëvizte me makinë në shoqërinë e një personi të shpallur në kërkim, i identifikuar me emrin Fatjon Murati.
Mësohet se makina ishte e blinduar. Ish kreu i bandës së Durrësit, po merret në pyetje nga policia.
Emri Fatjon Muratit ishte në listën e 6 personave ishin kërkuar të merreshin në pyetje nga Prokuroria e Kurbinit, për masakrën e Fushë Krujës.
Në listë bënin pjesë: Ramazan Rraja, nipi i deputetit të Partisë Socialiste Rrahman Rraja; Indrit Dokle; Fatjon Murati dhe Gentjan Reçi. Po ashtu në listë për t’u marrë në pyetje ishin miqtë e Ramazan Rrajës, Alesio Dobrozi dhe Rohan Brahimi (Prendi).
Mirëpo, Policia nuk ka ende një njoftim zyrtar lidhur me ngjarjen, edhe pse deri më tani është bërë me dije se po merret në pyetje nga uniformat blu të kryeqytetit.
Kujtojmë se Indrit Dokle është një nga emrat që dolën në hetimet për vrasjen e trefishtë në mbikalimin e Fushë-Krujës, ku mbetën të vrarë, Brilant Martinaj, Besmir Hoxha dhe Diklen Vata.
Discussion about this post