Një operacion blic nga blutë e Tiranës, u zhvillua mbrwmjen e djeshme, ku u shoqëruan tre persona të njhohur për drejtë sinë shqiptare. Ai është Fatjon Murati, 32 vjeç, i cili po lëvizte në makinë me një nga personazhet e njohur në botën e krimit, Indrit Doklen, ish-drejtuesin e bandës së Durrësit dhe me nipin e Dokles, Gentian Reçin.
Gentian Reçi, i cili me parë njihej me identitetin Ervis, është djali i ish policit Xhelal Reçi që u vra para 1 viti në Laç dhe nipi i ish kreut të bandës së Durrësit. Burime nga policia për gijotina.com bëjnë me dije se Gentian Reçi dyshohet se është ekzekutori i Ervin Martinajt. Ndërkohë po nga burime policie mësohet se Dokle i cili ishte një ndër të të shoqëruarit nga policia mbrëmjen e djeshme kishte ndryshuar pamjen, kishte lënë mjekër dhe nuk është njohur fillimisht nga uniformat blu, por pas verifikimeve ka rezultuar se është ai.
Gentian Reçi, Endrit Dokles dhe Fation Murati janë tre emrat e parë që dalin nga hetimet e vrasjes së trefishtë në mbikalimin e Fushë-Krujës, ku mbetën të vrarë, Brilant Martinaj, Besmir Hoxha dhe Diklen Vata. Gledis Nano ish- Drejtori i Policisë së Shtetit, ka firmosur një shkresë ku kërkohet edhe marrja në pyetje e Ramazan Rrahjës, nipi i deputetit të PS-së, Rraham Rrahja dhe dy miqve të tij, Alesio Dobrozit dhe Rohan Brahimit, Prendit.
Prokuroria nisi hetimet për konfliktin mes Endrit Dokles dhe Ervis Martinajt, e zbuluar nga dëshmia e Nuredin Dumanit dhe Henrik Goxhajt.
Sipas vrasësve me pagesë, Ervis Martinaj ishte gati të paguante 500 mijë euro për ekzekutimin e Endrit Dokles, ndërsa nuk dihet ende se përse ka nisur përplasja mes dy emrave të njohur të krimit.
Bashkëpuntori i Dumanit, Henrik Goxhaj ka thënë në dëshminë e tij se: …Po kështu Nuredini më ka dhënë porosi për vrasjen e shtetasit Indrit Dokle. Kjo ka qenë rreth para një viti ku unë bisedoja shpesh me Nuredinin të cilin unë e njihja edhe me emrin Luli. Në një nga këto biseda që ne po kryenin në telefon ai më thotë do gjetur ku është Indrit Dokle dhe duhet të merrnin masa për ta bërë. Çmimi ishte mbi 500.000 Euro pasi sipas Nuredinit personi nga i cili kishte marrë porosinë i kishte thënë kërko sa të duash, para i kishte lënë dorë të lirë tek çmimi. Gjithashtu, Nuredini kishte informacion se Indriti jetonte tek një vilë në kompleksin Rolling Hills. Po me makinë me qira kam shkuar deri tek TEG për të vënë re nëse mund ta shihja Indritin por nuk e kam parë. Nga muhabete lart e poshtë kisha dëgjuar se Indriti lëvizte me një fuoristradë të blinduar Toyota. Në një nga këto lëvizje tek TEG unë e kam parë këtë makinë tek rrotondo që ndodhet tek diga e liqenit artificial afër kopshtit zoologjik. Thjesht e kam parë por nuk kam bërë asnjë ndjekje. Ky objektiv nuk ishte i lehtë dhe kjo porosi ngeli vetëm me fjalë dhe nuk kam kryer asnjë veprim. Nga bisedat në celular me Nuredinin e kemi lënë pezull dhe kemi biseduar për gjëra të tjera. Nuk kisha dijeni se ku ndodhej Nuredini gjatë kësaj kohe që unë po kryeja verifikime për Indritin”.
Discussion about this post