I vodhën makinën me dhunë, policia reagon për grabitjen në Lushnje

Policia e Lushnjës ka reaguar lidhur me ngjarjen e raportuar mbrëmjen e djeshme, ku një person ra pre e një grabitje tek vendi i quajtur “Pushimi i Shoferit”.

Policia njofton se personi që është grabitur është identifikuar si M.P, banues në Divjakë. Sipas policisë personi në fjalë ka bërë kallëzim në polici se në vendin e quajtur “Pushimi i shoferit”, Lushnjë, persona të paidentifikuar, i kanë marrë me dhunë, automjetin tip “Benz”, me të cilin po udhëtonte.

Grupi hetimor po punon për zbardhjen e plotë të rrethanave të ngjarjes, identifikimin dhe kapjen e autorit/ëve.