Pak ditë pasi mjeti i “gangsteres” së Bilishtit Deizi Arapi u dogj, një tjetër makinë është shkrumbuar sot gjatë natës.
Mësohet se Marsel Buçit i është djegur makina rreth orës 02:30 të natës që sapo lamë pas, teksa ka qenë e parkuar pranë banesës së tij.
Buçi është një punonjës karburanti ndaj së cilit edhe pse e pa vërtetuar, rëndonin akuza si përgjegjës i djegies së mjetit të Deizi Arapit.
Emri i Deizi Arapit nuk është një emër i panjohur për policinë, pasi një muaj me parë 27-vjeçarja nga Bilishti, u arrestua për prishje të qetësisë publike dhe se fyeu e kundërshtoi me dhunë efektivët e policisë, ndërsa është ndjekur penalisht në gjendje të lirë motra e saj 23 vjeçe.
Ndërkohë i ati i Marsel Buçit, Urim Buçi, ka akuzuar Deizi Arapin si autore të zjarrvënies dhe është shprehur se kërkon drejtësi.
I ati i pronarit të mjetit akuzon Deizi Arapin: Dyshoj te ajo vajza! Punojmë me djersë, ajo ku i gjen lekët?
Deizi Arapi ka qenë e dyshuara kryesore për djegien e makinës së Marsel Buçit në Bilisht. I ati Urim Buçi në një prononcim për media u shpreh se për mjetin ka punuar me djersë dhe se dyshon te Deizi Arapi. Ai tha se nga shteti kërkon drejtësi por edhe kërkoi të dinte se ku i gjen paratë 27-vjeçarja.
‘Në dy të natës u dëgjua një zhurmë dhe gruaja më tha ngrihu se i kanë vënë zjarrin makinë së djalit. U zgjuam dhe pamë që makina kishte marrë flakë e gjitha. Lajmërova policinë dhe erdhën në vendngjarje na morën në pyetje, ku dyshoni etj. Unë dyshimin e kam para një muaj, akuzoi djalin që ishte i futur nga dikush. Pas verifikimeve doli që im bir nuk kishte lidhje me ngjarjen. Pas dy ditësh, i del prapë përpara me makinë djalit dhe filloi ta ofendojë. Qëndroi djali dhe i tha: Si e ke punën moj çupë e mbarë? S’vajti dy minuta, mori policinë në telefon dhe u tha filani me shau. Filloi sërish të sajonte gjëra, mori në telefon shefi komisariatit dhe i tha mos u merr me të. Mua më duket se kjo është ngjarje e qëllimshme. Unë kërkoj drejtësi nga shteti. Unë dyshoj te ajo vajza që ja dogjën makinën brenda një muaji. Te ajo i kam dyshimet. Normale nuk e di nga janë fryrë këto, nëse do kishte djali im dorë do i kisha folur. Unë punoj me djersë, kam punuar për atë makinë, ato i ndërrojnë brenda muajit. Unë s’jam si ato, ku i gjejnë lekët, 6 mln pa punuar asnjeri? Kaq kisha. Nga shteti dua drejtësi!’-tha Urim Buçi.
Discussion about this post