Mbledhja me përfaqësues të partive politike, e cila ishte njoftuar nga kreu i KQZ, Ilirjan Celibashi për t’u mbajtur ditën e sotme, është shtyrë për të enjten në orën 11:30. Sipas njoftimit të bërë publik për mediat, shkak është bërë kërkesa nga partitë politike.
Së fundmi, Celibashi nëpërmjet një letre drejtuar Komisionit për Reformën Zgjedhore, sugjeroi disa ndryshime në kodin zgjedhor dhe miratimin e tyre sa më shpejt në mënyrë që të hynin në fuqi për zgjedhjet e ardhshme vendore.
“Mbledhja e Komisionerit Shtetëror të Zgjedhjeve e njoftuar për tu mbajtur ditën e sotme në orën 11:00, do të shtyhet për shkak të kërkesës së partive politike. Mbledhja do të mbahet ditën e Enjte, në orën 11:30”, thuhet në njoftim.
Discussion about this post