Vdekja e minatorit në Bulqizë, në pranga drejtuesi teknik dhe brigadieri

Një ngjarje e rëndë ndodhi dje në Bulqizë, ku një minator vdiq pas një aksidenti në vendin e punës.

Ai u identifikua më pas si shtetasi me inicale K.L 52 vjeç që mbante detyrën e zjarrmëtarit. Ndërkohë policia njofton sot se ka arrestuar drejtuesin teknik dhe brigadierin e minierës.

Mësohet se në pranga kanë rënë:

1. F.H., 50 vjeç, banues në Bulqizë, me detyrë Drejtues teknik i një subjekti minerar,
2. B.T., 44 vjeç, banues në Bulqizë, me detyrë brigadier.

Të dy akuzohen se nuk kanë marrë masa për zbatimin e sigurisë e të mbrojtjes së jetës e shëndetit të punonjësve, si dhe nuk kanë ushtruar kontrolle për të siguruar vendin e punës.

Njoftimi zyrtar i policisë

Bulqizë

Nga Specialistët për Hetimin e Krimit në Komisariatin e Policisë Bulqizë, u arrestuan në flagrancë shtetasit :

1. F.H., 50 vjeç, banues në Bulqizë, me detyrë Drejtues teknik i një subjekti minerar,
2. B.T., 44 vjeç, banues në Bulqizë, me detyrë brigadier.

Arrestimi i tyre u bë pasi, nuk kanë marrë masa për zbatimin e sigurisë e të mbrojtjes së jetës e të shëndetit të punonjësve, si dhe nuk kanë ushtruar kontrolle për të siguruar vendin e punës, ku si pasojë në galerinë nr16, u aksidentua me pasojë vdekjen shtetasi K. L., 52 vjeç, që mbante detyrën e zjarrmëtarit.