Janë mbyllur të gjitha ndeshjet e mbrëmjes së sotme të Champions League, ku rezultate surprizë u shënuan në fund të sfidave.
Supersfida e mbrëmjes mes Milan dhe Chelsea është mbyllur me shifrat 0-2. Tomori i “preu krahët” kuqezinjve që në minutën e 18-të të sfidës. Me një lojtar më shumë blutë e Londrës do të gjenin golin në minutën e 21-të kur Jorghino do të shënonte me penallti.
Aubameyang në të 34’ do të dyfishonte shifrat duke vulosur kështu rezultatin 2-0 të pjesës së parë, i cili gjithashtu do të ishte edhe rezultati përfundimtar i këtij takimi, pasi në fraksionin e dytë nuk do të gjenin golin.
Në duelin mes Real Madrid dhe Shaktar Donetsk s’do të kishte fitues, pasi ndeshja do të mbyllej 1-1 mes tyre, me madrilenët që do të gjenin golin e barazimit në sekondat e fundit të sfidës, ku Rudiger do të shpëtonte “Los Blancos” nga humbja.
Edhe PSG është ndalur në shtëpi nga Benfica, teksa përballja mes tyre do të mbyllej 1-1. Kylian Mbappe në minutën e 40-të do të gjente rrugën e rrjetës me anë të një penalltie, teksa portugezët do të barazonin shifrat me Joao Mario po me penallti në 62’.
Përballja mes Dortmund dhe Sevillas është mbyllur në barazim 1-1. Po me të njëjtin rezultat ka përfunduar edhe sfida mes Dinamo Zagreb dhe Salzburg, ndërsa Leipzig ka fituar me shifrat 2-0 ndaj Celtic.
Discussion about this post