Mësohen detaje rreth gjendjes shëndetësore të Renato dhe Eglantin Hasulës, babë e bir të cilët mbetën të plagosur në Klos. Mësohet se 14-vjeçari Renato është i vetëdijshëm dhe në gjendje shëndetësore relativisht të mirë, kurse babai i tij, Eglantin, 39 vjeç është në gjendje të rëndë shëndetësore, me prognozë të rezervuar.
Autori i masakrës së sotme në Klos është Fiqiri Mjeshtri i cili pasi qëlloi për vdekje, Liri dhe Kenado Shirën dhe më pas qëlloi edhe veten pasi u rrethua nga policia.
Shkak për këtë ngjarje të rëndë dyshohet të jetë bërë vajza e familjes Shira, çka ka sjellë edhe përplasjen e Liri dhe Kenado Shira me Fiqiri Mjeshtrin. Më pas ky i fundit ka nxjerrë pistoletën, duke vrarë dy anëtarët e familjes Shira e duke plagosur dy të tjerët.
Lidhur me ngjarjen e rëndë ka reaguar edhe Drejtori i Policisë së Qarkut të Dibrës, i cili ka dhënë detaje për ngjarjen.
“Sot në orën 14:15 minuta në qytetin e Klosit u vranë Ilir Shira dhe Kenado Shira. Të plagosur mbetën Renato Hasula dhe Englatin Hasula. U bë e mundur kapja e dy personave Fatmir dhe Besnik Mjeshtri. Autori i tretë Fiqiri Mjeshtri ka ndërruar jetë pasi është vetëvrarë”, tha Dhimitraq Ziu.
Discussion about this post