Ish-ministri i Brendshëm Saimir Tahiri, i cili kërkoi pak ditë më parë në Gjykatën e Elbasanit që t’i njihen ditët e shërbimit të provës, do të dalë sërish në gjyq. Për shkak se seanca gjyqësore nuk u zhvillua atë ditë, më 8 tetor, për shkak se babai i avokatit mbrojtës të Tahirit, Maks Haxhia kishte ndërruar jetë, seanca u shty për një datë tjetër. Tashmë seanca e radhës do të mbahet më 22 Dhjetor në orën 10:00.
Ish-ministri i Brendshëm, përmes avokatëve të tij mbrojtës, i kërkoi Gjykatës së Elbasanit njohjen e dënimit të dhënë më datë 19 shator 2019 nga Gjykata e Shkallës së Parë.
Në atë kohë, ai u dënua për shpërdorim detyre me 3 vite 4 muaj heqje lirie, por Gjykata e pezulloi dënimin dhe e konvertoi në shërbim prove.
Tahiri prej 8 muajsh është mbyllur në qeli, ku fillimisht për të u vendos që ta vuajë dënimin në burgun e Fierit, por për shkak të përplasjeve me drejtorin e institucionit dhe largësisë nga Tirana, ish-ministri kërkoi lëvizje.
Tre muaj më parë ai u transferua në Kosovë të Lushnjës. Ish-ministri i Brendshëm, Tahiri, shkoi në qeli më 4 shkurt. Aktualisht, në Gjykatën e Lartë pret shqyrtimin ankimi i bërë nga ish-ministrit që kërkon pafajësi dhe nga SPAK-u, që kërkon nga 12 vjet burg për Tahirin dhe ish-shefin e Policisë së Vlorës, Jaeld Çela për akuzën e “Trafikut të narkotikëve” dhe “Grupit të strukturuar kriminal”.
Discussion about this post