Një ngjarje e përmasave tragjike është shënuar në Paris. Bëhet fjalë për një vajzë të moshës 12-vjeçare, e cila u gjet e pajetë futur brenda në një valixhe. Ajo e kishte fytin të prerë, ndërsa një element i çuditshëm në këtë rast është rrënqethës: numrat 1 dhe 0 i ishin “stampuar” në trupin e saj, sipas autoriteteve.
Duart dhe këmbët e fëmijës, emri i të ciliës nuk bëhet i ditur, ishin lidhur me shirit dhe duket se shkaku i vdekjes është mbytja, siç raportojnë Fox News dhe Independent.
Për këtë rast janë marrë në pyetje të paktën katër persona, por deri më tani nuk është bërë i ditur asnjë arrestim.
Prindërit e vajzës njoftuan policinë se vajza e tyre nuk u kthye në shtëpi pas shkollës të premten në kryeqytetin francez.
Babai i fëmijës, i cili është kujdestar në ndërtesën e tyre, i tha policisë se ai pa vajzën e tij me një grua rreth të 20-ave në video nga ndërtesa, me gruan që shihet më pas në pamjet që mbante valixhen. Policia gjeti më pas gjurmë rrëmbimi në bodrumin e ndërtesës.
Të premten mbrëma policia mori një telefonatë për një valixhe të dyshimtë në Rue d’Hautpoul, disa rrugë larg shtëpisë së familjes.
Sipas policisë, në trupin e pajetë të fëmijës ishin shkruar me “pajisje” numrat 1 dhe 0, shkruan New York Post.
Girl,12, found dead in suitcase in Paris ‘with mysterious numbers on body’ https://t.co/xQJZbK2e4C
— The Independent (@Independent) October 16, 2022
Discussion about this post