Këngëtari i njohur i muzikës latine, J Balvin është bërë baba për herë të parë. Ditën e sotme partnerja e artistit, Valentina Ferrer, publikoi në Instagram një foto të këmbës së vogëlushit të porsalindur.
“4 ditë me dashurinë më të mirë”, ka shkruar J Balvin përkrah fotos.
Sipas një burimi, dyshja e kanë pagëzuar djalin me emrin Rio dhe këtë gjë e konfirmoi edhe këngëtarja përmes një postimi në “Twitter”. Në 27 qershor, J Balvin shkroi: “I dashur Rio”. Gjithashtu miku i tij, Zion, komentoi në postimin e Valentina-s: “Përshëndeteni Rio-n nga ana e xhaxhit Z”. Lajmi i ardhjes në jetë të djalit vjen 2 muaj pasi ata konfirmuan shtatzëninë e Valentina-s me një foto në Vogue Mexico, në të cilën ish-Miss Argjentina shfaqej me barkun e rrumbullakosur.
Asokohe Valentina postoi foton e kopertinës në Instagram shoqëruar me mbishkrimin: “Familja po zgjerohet”.
