Takimi mes dy “negociatorëve”/ Alibeaj mbledh mbështetësit në Kryesinë e Kuvendit

Enkelejd Alibeaj ka mbledhur në Kryesinë e Kuvendit mbështetësist e tij ku po zhvillon një mbledhje. Ndërkohë nga ana tjetër dhe kryetari i Partisë Demokratike, Sali Berisha ka mbledhur drejtuesit e qarqeve në selinë Blu ku po diskutohet për zgjedhjet vendore.

Takimi i deputetit demokrat Enkelejd Alibeaj me mbështetësit e tij vjen një ditë para takimit që Gazment Bardhi do të zhvillojë me përfaqësuesin e PD-së zyrtare, Edi Paloka për arritjën e një marrëveshjeje për daljen me një kandidat të përbashkët në zgjedhjet vendore.

Mësohet se në fokus të takimit të Alibeajt është takimi i nesërm mes dy “negociatorëve”.

Një javë më parë Grupi Parlamentar i Partisë Demokratike doli me një deklaratë ku shtrinte dorën e bashkëpunimit me grupin e kryedemokratik Sali Berisha sa i përket zgjedhjeve vendore që do të mbahen vitin që vjen. Deputetët demokratë dolën me një vendim të unifikuar ndërkohë që shumë prej tyre prej javësh deklararonin se vetëm bashkimi mund ta bëj Partinë Demokratike fituese. Deklarata e tyre u mirëprit nga PD zyrtare dhe Sali Berisha i cili menjëherë komandoi kryetarin e Këshillit Kombëtar, Edi Paloka që të negociojë me grupin e Alibeajt i cili do të përfaqësohet nga ish-numri dy i PD-së Gazment Bardhi. Të dy palët kanë rënë dakort se kjo nuk është negociatë por një konsultim.