Mbledhja e zgjeruar e Grupit Parlamentar të Partisë Socialiste dhe kabinetit qeveritar, e planifikuar të zhvillohej këtë të mërkurë në Pallatin e Brigadave është anuluar.
Takimi ishte thirrur nga kryeministri Edi Rama dhe pritej të mblidhte deputetët socialistë dhe ministrat e kabinetit qeveritar.
Sipas axhendës së bërë publike në fokus të diskutimeve do të ishin dy çështje “Prania Besnike” dhe “Pasqyra Albania”.
Mbledhja ishte parashikuar të niste me fjalën e kryetarit të Grupit Parlamentar të PS-së, Taulant Balla, dhe më pas me atë të kryeministrit Edi Rama. Në vijim, axhenda parashikonte një raportim mbi ecurinë e “Pranisë Besnike” dhe “Pasqyra Albania”.
Ndërkohë ditën e djeshme Tirana është pushtuar nga kaosi i protestës që nisi te Misnitria e Arsimit dhe u përhap në disa zona tjera të kryeqytetit.
Protestuesit hodhën gurë dhe sende të forta ndaj institucioneve dhe punonjësve të policisë, ndërsa policia u përgjigj me gaz lotsjellës, ujë me presion dhe shkopinj gome. Disa qytetarë të plagosur u dërguan në Spitalin e Traumës, ndërsa 40 persona u arrestuan.
Gjatë protestës pati të lënduar si mes protestuesve, ashtu edhe mes efektivëve të policisë. Disa policë morën ndihmë mjekësore në spital, ndërsa të shtruar kanë mbetur vetëm protestues.
Pas ngjarjeve gjatë protestës, ku ndaj protestuesve u ushtrua dhunë nga forcat e policisë, pesë efektivë u pezulluan nga detyra.
Discussion about this post