Kryetarja e Këshillit për Rregulloren, Mandatet dhe Imunitetin, Lindita Nikolla deklaroi në mbyllje të seancës së sotme se dy raportet e PS dhe PD për ministren Olta Xhaçka do të dërgohen për votim në seancën plenare.
“I dëgjuam raportet, kemi ezauruar seancat e pyetjeve. Raportet do ti çojmë për votim në seancën plenare, këtu e mbyllim mbledhjen”, tha Nikolla.
Në Komision, ai që mori fjalën nga ana e Partisë Demokratike ishte deputeti Gazment Bardhi, i cili akuzoi ministren Olta Xhaçka se ka përfituar nga pasuria e shtetit, për të bërë milioner bashkëshortin e saj.
Demokratët akuzojnë ministren Olta Xhaçka se ka përfituar veprimtari që burojnë nga pasuritë e shtetit, përmes shoqërisë tregtare në pronësi të bashkëshortit të saj, Artan Gaci, edhe ky dikur deputet i Partisë Socialiste.
Ishte deputeti i PD, Agron Shehaj ai që doli në një konferencë për shtyp dhe denoncoi se familja e ministres po përfiton nga pronat në bregdet, duke ua dhuruar familjarëve të saj. Me firmën e kryeministrit Rama, kompania “AG.Tç” SH.P.K në pronësi të bashkëshortit të ministres Xhaçka, shpallet investitor strategjik për ndërtimin e resortit në Dhërmi, i cili parashikon marrjen e tokës në bregdet në përdorim për 30 vite.
Discussion about this post