Takim me historinë në “Loro Boriçi” për Vllazninë e femrave. Shkodranet do të sfidojnë gjigandët europiane, Real Madrid, me sfidën që do të nisë në orën 18:45.
Për herë të parë në historinë, vajzat kuqeblu arritën të shkruanin emrin e Vllaznisë me gërma të arta në historinë e futbollit, teksa arritën të kualifikohen në grupet e Womend’s Champions League.
Atë që nuk e bëtë dot “burrat” shqiptarë e bërë “burrneshat” shkodrane, teksa ditën e sotme janë të thirrura përsëri në “apel” për të dëshmuar se vlerat që kjo skuadër zotëron janë të pakufizuara, teksa përballë do të kenë vajzat madrilene.
Nikolin Leka, trajneri i Vllaznisë së femrave, që ka udhëhequr vajzat shkodrane në suksesin më të madh të futbollit të femrave në vendin tonë, ka dalë dje para mediave, në pragndeshje të sfidës ndaj spanjolleve.
Ndonëse përballë do të kenë një klub gjigant, Leka deklaron se ekipi nuk i trembet kundërshtarit, pavarësisht emrit të madh që ka dhe se ndaj tyre, vajzat e tij do të japin maksimumin.
Discussion about this post