Ylli portugez Cristiano Ronaldo doli në nxehje që në fundin e pjesës së parë nga Erik ten Hag gjatë duelit Manchester United-Tottenham. Pas minutës së 87-të, kur trajneri Ten Hag bëri dhe dy zëvendësimet e fundit, Ronaldo iu drejtua dhomave të zhveshjes ende pa mbarur ndeshja, i bindur që e kuptoi se trajneri as që kishte ndërmend ta aktivizonte.
Tifozët nisën ta vërshëllenin, duke mos rënë dakord me zemërimin dhe veprimin e tij, teksa në mbrojtje të 37-vjeçarit ka dalë Rio Ferdinand, ish-shoku i shumë fitoreve dhe trofeve gjatë kohës që United drejtohej nga Sir Alex Ferguson.
“Nëse Ten Hag nuk e sheh si titullar, duhet ta lërë Ronaldon të largohet nga klubi në janar. Nuk është e drejtë që pas çdo ndeshje pyetja e parë të jetë: “Pse nuk ishte Ronaldo titullar?” Më shqetëson fakti që pse nuk e la United të largohej, nëse Ten Hag nuk e kishte në planet e tij”, deklaroi ish-mbrojtësi i “Djajve të Kuq”.
Drejtuesit e United pritet të marrim masa ndaj veprimit të sulmuesit portugez në minutën e fundit të fitores ndaj Tottenhamit të Contes. Ronaldon e pret një gjobë, ndërkohë që Ten Hag pritet të mos e grumbullojë për duelin e ardhshëm ndaj Chelsea.
Discussion about this post