Plas grushti në Vlorë, si e pëson njëri prej të rinjve që dha dëshmi të rreme

Dy të rinj në Vlorë janë konfliktuar me njëri-tjetrin duke përdorur edhe sende të forta. Sipas policisë, bëhet me dije se shtetasi E. H., 25 vjeç, gjatë një konflikti, për motive të dobëta, ka goditur me sende të forta shtetasin E. J., 33 vjeç, banues në Vlorë. 25 vjeçari është arrestuar nga policia.

Ndërkohë që në telashe është dhe një 26 vjeçar që ka qenë me ta gjatë sherrit, por para policisë ka dhënë deklarime të rreme.

Njoftimi:

Nga specialistët për Hetimin e Krimeve të Komisariatit të Policisë Vlorë u bë arrestimi në flagrancë i shtetasit E. H., 25 vjeç, banues në lagjen “Bashkimi”, pasi gjatë një konflikti, për motive të dobëta, ka goditur me sende të forta shtetasin E. J., 33 vjeç, banues në Vlorë.

Gjithashtu u procedua në gjendje të lirë shtetasi A. S., 26 vjeç, pasi ka dhënë deklarim të rremë për këtë ngjarje.