Armando Broja ishte protagonist në supersfidën mes Çelsit dhe Mançester Junajtid që përfundoi në barazim 1-1. Ylli shqiptar fitoi 11-metërshin që u shndërrua në gol nga italiani Zhorzhinjo. Penalltia e fituar nga Broja, nuk kaloi pa u komentuar dhe nga legjenda e Junajtid, Geri Nevill, që në një prononcim për “Sky Sport”, se vizualisht dukej sikur Mek Tominej po e përqafonte Brojën. Sipas Nevill, ndërhyrja e Mek Tominei, Optikisht ishte e tmerrshme.
“Ndërhyrje e ngathët nga Mek Tominei. Nuk ka dyshim se në fund Armando Broja hidhet në tokë, por ka kontakt fillestar. Është krahu i majtë, pastaj krahu i djathtë. Unë mendoj se ky është problemi për mesfushorin e Junajtid.
Ai mund të ndihet sikur nuk e ka rrëzuar Brojën, por optikisht duket e tmerrshme. Dukej sikur po e përqafonte dhe po e tërhiqte në tokë. Kjo nuk është mënyra e duhur, për të markuar futbollistët që ndodhen përballë, sepse sapo t’i vendosni krahun ose të dy duart, do të jeni në telashe”, u shpreh Nevill.
Discussion about this post