Dy shqiptarë të moshës 30-vjeçare kanë rënë në prangat e policisë italiane. Ata akuzohen për trafik të kokainës. Mësohet se hetuesit kishin ndjekur gjurmët e tyre prej disa kohësh, por shtëpinë e tyre të përdorur si bazë operacionale për paketim dhe ruajtje arritën ta zbulonin me vështirësi. Pas një aksioni tjetër, të shtunën pasdite, agjentët kapën një nga tregtarët e drogës në një makinë dhe e ndoqën atë në një fshat rezidencial veror në Marina di Montemarciano.
Kur i dyshuari ka hyrë në banesë, policët e kanë ndjekur dhe kanë arritur të hyjnë në ambientet e banesës ku kanë gjetur edhe bashkëpunëtorin.
Kontrolli i mëpasshëm në shtëpi bëri të mundur gjetjen e mbi 160 g kokainë të ndarë në 18 qese, të fshehura brenda një kavanozi qelqi që përmbante edhe oriz për të thithur lagështinë.
Tre mbështjellës (rreth 20 gram), që përmbanin doza të gatshme, u gjetën në banjë, të fshehura pas pajisjes së banjës, shkruan Ansa.
Hetuesit sekuestruan drogën dhe mbi 700 euro cash, të cilësuara si të ardhura nga aktiviteti i trafikut të drogës.
Nisur nga indikacionet e rënda të fajit, në dispozicion të Prokurorisë Publike pranë Gjykatës së Ankonës, dy të arrestuarit u burgosën në burgun Montacuto në dispozicion të Autoritetit Gjyqësor.
Discussion about this post