Pasi presidenti Bajram Begaj dekretoi 14 majin si datë për zgjedhjet vendore, ka ardhur reagimi i kreut të Komisionit Qendror të Zgjedhjeve, Ilirjan Celibashi.
Ky i fundit shprehet se bëhet fjalë për një zhvillim të mirëpritur demokratik, ndërsa shtoi se institucioni që përfaqëson është gati të respektojë standardet ndërkombëtare.
“Prej kohësh kanë qenë në vëmendjen e KQZ-së për përgatitjen dhe administrimin e tyre sipas standardeve të njohura dhe të pranuara ndërkombëtare,” shkroi ai në “Tëitter”.
Më tej Celibashi u shpreh se profesionalizmi, paanshmëria, transparenca dhe bashkëpunimi me partitë politike, median dhe shoqërinë civile rikonfirmohen si karakteristika themelore të veprimtarisë së KQZ-së.
Caktimi i datës së zgjedhjeve vendore të 2023 vjen pas takimeve që kreu i shtetit Bajram Begaj zhvilloi me aktorët politikë.
Discussion about this post