Shqipëria do të zhvillojë nesër në orën 19:00 sfidën miqësore ndaj Arabisë Saudite, në fushë kundërshtare. Ndeshja zhvillohet më pak se një muaj të zhvillimit të Botërorit në Katar, ku ekipi rival edhe do marrë pjesë.
Siç shikoni nga pamjet e Gijotina.com, në Arabi janë stërvitur disa nga lojtarët e Superiores, sikundër edhe ishte paralajmëruar.
Nga stërvitja e fundit e zhvilluar në Abu Dhabi, kuqezinjtë janë të rreshtuar me skemën e zakonshme 3-5-2. Në portë Kastrati, treshja në qendër është e përbërë nga Erdenis Gurishta i Vllaznisë, Eneo Bitri i Partizanit dhe Rudolf Turkaj i Laçit. Në krah pritet të aktivizohen Albion Marku dhe Andi Hadroj.
Ndërkohë, në qendër të mesfushës llogariten Arbnor Muçolli i Vejle, Ardit Deliu i Tiranës dhe Esat Mala i Vllaznisë. Ndërkaq, dyshja e sulmit pritet t’i besohet eksperiencës së Sokol Cikalleshit dhe shpejtësisë së Redon Xhixhës së Tiranës.
Discussion about this post