Kryetari i partisë së Lirisë, Ilir Meta ka ftuar kryeministrin Edi Rama që ky i fundit të përballej me të në një studio sa i takon akuzave për bashkëpunëtor të sigurimit të shtetit. Meta tha se nuk kishte asnjë lidhje me dosje të sigurimit të shtetit dhe shtoi se Rama e dinte shumë mirë këtë gjë.
“Edi Rama o lepurush, që të ishe bashkëpunëtor ti e di shumë mirë sesi duhet të ishe. O lepurush që merr mendtë e A.H-së që do përfundojë më keq se Klareta. Kur të kesh hall ti, vij unë pa merak. Ti duhet të vish në çdo studio dhe merr atë punonjësin e sigurimit të shtetit dhe pastaj ti i dashur Edi Rama ke të drejtë të kërkosh çdo gjë nga Ilir Meta. Meqë të paska qartë shpirti ty, djali i Kristaqit që vari Avzi Nelën për një poezi. Dhe tani me një poezi ne do të shporrim ty bashkë me shqiptarët”, tha Meta.
Discussion about this post