Kompania Mercedes-Benz tërhiqet nga Rusia

Kompania prestigjioze Mercedes-Benz është tërhequr nga Rusia. Firma me bazë në Gjermani ndaloi prodhimin dhe eksportin në vend në fillim të marsit.

Por tani thotë se do të tërhiqet nga tregu rus dhe do t’i shesë aksionet e filialeve të saj tek një investitor vendas. Nissan-i i Japonisë u largua nga Rusia në fillim të këtij muaji, të njëjtat lëvizje ka bërë edhe Toyota dhe Renault.

Nissan pësoi një humbje prej 700 milion dollarësh duke ia dorëzuar biznesin e saj një entiteti shtetëror për një tarifë formale, raportohet se më pak se 1 paund.

Por Harald Wilhelm, zyrtari kryesor financiar i Mercedes, tha se largimi i tij nga Rusia nuk pritej të kishte ndonjë efekt të ri serioz në fitimet e kompanisë.

Vendimi vjen pasi shumë kompani perëndimore u tërhoqën nga Rusia në fillim të vitit, përfshirë Starbucks, McDonald’s dhe Coca-Cola.

Firma të tjera makinash, përfshirë Jaguar Land Rover, General Motors, Aston Martin dhe Rolls-Royce, të gjitha ndaluan dërgesat në vend në muajt e parë të luftës.