Ylli portugez i futbollit Cristiano Ronaldo dhe partnerja e tij Georgina Rodriguez kanë blerë një shtëpi, e cila cilësohet si më e shtrenjta në Portugali. Superylli i fushës së blertë nuk është në momentin më të mirë të karrierës, sepse nuk ndihet i kënaqur me minutazhin dhe është në konflikt me trajnerin e Manchester Unitedit, Erik ten Hag, mirëpo ai vazhdon të bëjë një jetë shumë luksoze.
37-vjeçari u bë pronar i shtëpisë më të shtrenjtë në vendin e tij, gjë që mund të jetë një tregues se ai mund ta vazhdojë karrierën në vendin e tij.
Prona ndodhet në rrethinën e Cascais dhe vlera e saj llogaritet rreth 11 milionë euro. Megjithatë, pas rinovimit dhe punimeve të tjera, shpenzimet do të arrijnë deri në 21 milionë euro – transmeton Marca.
Sipërfaqja e vilës është 2.720 metra katrorë dhe përbëhet nga tri kate. Në proces ndërtimi janë lulishtja dhe një pishinë fantastike me një sipërfaqe prej 544 metrash katrorë.
Punimet do të përfundojnë në verën e vitit 2023.
Discussion about this post