Ka ndërruar jetë në spital vogëlushi 5 vjeçar nga Vlora, Artjon Gjonaj, për të cilin ishte kërkuar ndihma e qytetarëve. Lajmin e ndarjes nga jeta të të miturit e kanë bërë me dije vetë familjarët e Gjonajt, ku në një postim në rrjetet sociale shkruajnë:
“Përshëndetje të gjithëve, ka një lajm të trishtë, nuk kam shumë fjalë në këtë moment, por djali ynë i vogël Artjon fatkeqësisht ka vdekur. Ju lutemi të gjithë të ndaloni së paguari. RIP ËNGELLI I VOGËL”
Familjarët kanë mbyllur edhe “gofundme”, ku po mblidheshin para për ta dërguar vogëlushin jashtë Shqipërisë për kurim. Artjoni kishte nevojë urgjente për transplant të zemrës, por fatkeqësisht kjo nuk u realizua dot.
Discussion about this post