Shoqërohen në komisariatin nr.3 dy policë me funksion agjentë krimesh në tiranë. Një person i ka kallëzuar efektivët të cilët punojnë në komisariatin nr.1, sepse pretendon që është kërcënuar, në momentin që ata kanë qenë jashtë orarit të punës.
Personi që i ka denoncuar pretendon se ka qenë me makinë me familjarë të tij në zonën e Zogut të Zi dhe pretendon se dy agjentët e krimeve të komisariatit nr.1 kanë dalë nga automjeti i tyre privat dhe e kanë ofenduar dhe kërcënuar duke iu prezantuar se janë edhe efektivë policie.
Personi në fjalë ka bërë kallëzim në komisariatin nr.3. Përfaqësues të AMP ndodhen në komisariatin nr.3 dhe po hetojnë ngjarjen.
Ka dyshime që së bashku me dy efektivët ka qenë edhe nje person i tretë, i cili ende nuk është shoqëruar nga policia.
Discussion about this post