Një nga të plagosurit nga aksidenti në Fushë Studën në Librazhd është dërguar me helikopter drejt Traumës në Tiranë. Mësohet se Brian Dosku është nisur me urgjencë drejt Tiranës ndërsa tjetri është dërguar në spitalin e Elbasanit.
Në Spitalin e Elbasanit është dërguar Baki Sejdini. Dy të rinjtë mbetën të plagosur pasi automjeti me të cilin udhëtonin u përplas me një shtyllë.
Rrethanat e ngjarjes nuk dihen ende. Ndërsa paraprakisht dyshohet se shkak është bërë shpejtësia përtej normave të lejuara, parakalim i gabuar ose mosrespektimi i sinjalistikave rrugore.
Policia pritet të dalë me një njoftim zyrtar për të zbardhur detajet nga vendi i ngjarjes.
Discussion about this post