Dalin pamjet e makinës së përdorur nga autorët për vrasjen e Briken Sanajt në Tiranë mbrëmjen e djeshme. Fotoja është nxjerrë nga gazetarja e Top Channel, Dorjana Bezat, ndërsa mësohet se makina ishte me targa të vjedhura vetëm pak ditë më parë në Tiranë.
Deri më tani është bërë me dije se 39-vjeçari ishte fillimisht në Lezhë ku ka marrë pjesë në dasmën e kushëririt të tij, e më pas kur ka mbaruar dasma, ata kanë sjellë bashkëshorten në Tiranë tek pallati ku jetonte prej më shumë se një viti. Në momentin kur ka zbritur nga makina, ka shkuar për të takuar dy shokët e tij që e prisnin në një zonë tek Kodra e Diellit, e pikërisht aty i janë afruar me makinë. Me breshëri kallashnikovi e kanë qëlluar në fytyrë e më pas kanë ikur duke djegur makinën në Qafë Kashar. Brenda saj u gjet një kallashnikov që do të dërgohet në laborator për të zbuluar nëse ka detaje.
Discussion about this post