Moderatorja dhe ish-banorja e Big Brother VIP, Einxhel Shkira, ka përzgjedhur këtë Halloween një kostum të këngëtares shqiptare me famë botërore, Dua Lipës. Kjo e fundit u shfaq në një nga koncertet gjatë turneut “Future Nostalgia”, e gjitha me rozë dhe me doreza të po së njëjtës ngjyrë, duke tërhequr shumë vëmendje.
Të njëjtën gjë ka bërë edhe Einxhel, e cila krahas imazheve të bukura, ka shkruar: “Duhej të dukesha si Dua Lipa në turne, por më shumë dukem si ‘Dua Lipa në shtatzëni’”.
Kujtojmë që moderatorja pritet që shumë shpejt të bëhet nënë e një djali. Ajo dhe partneri i saj, Dj Dagz, u njohën gjatë aventurës në shtëpinë e “Big Brother VIP” dhe tani po shijojnë një nga periudhat më të bukura të jetës.
Discussion about this post