Kryeministri i Kosovës Albin Kurti ka reaguar pas ngjarjes së rëndë të regjistruar në një azil, ku një infermiere dhunonte një të moshuar teksa të tjerat e filmonin gjithë skenën e rëndë. Për Kurtin kjo ngjarje është e tmerrshme, ndërsa institucionet sapo morën lajmin janë aktivizuar dhe kanë vepruar.
Postimi i Albin Kurtit:
Ajo që pamë sot ishte e tmerrshme. Nuk ka qytetar i cili s’është shokuar, kurse institucionet me të marrë vesh sulmin mbi nënën, të moshuaren, në Qendrën Strehimore në Pejë, janë aktivizuar dhe kanë vepruar.
Të moshuarit janë më të dashurit tanë. Ata kanë kontribuar në shoqëri në aq shumë aspekte për kohën më të gjatë sesa të gjithë ne të tjerët. Do të qëndrojmë pranë tyre si me vendime e përgjegjësi qeveritare, gjithashtu edhe me ndenjën dhe përkujdesjen qytetare.
Discussion about this post