Milani fitoi 4-0 “finalen” ndaj Salzburgut, duke u bërë ekipi i tretë italian që kualifikohet në raundin e 1/8-vë në Champions League pas Napolit dhe Interit. Oliver Giroud ishte ylli i mbrëmjes në “San Siro” me një dygolësh dhe dy asiste, teksa pati festë edhe për Krunic dhe Messias.
Kuqezinjtë e Stefano Piolit dominuan kampionët e Austrisë në një “San Siro” plot. Giroud iu anulua një gol për pozicion të parregullt, teksa Theo Hernandez dhe Rafael Leao u ndalën nga shtylla dhe traversa.
PSG fitoi 1-2 në Torino përballë Juventusit, falë supergolit të Kylian Mbappe dhe realizimit të 20-vjeçarit Nuno Mendes, ndërkohë që Leonardo Bonucci vendosi përkohësisht baraspeshën me golin e tij. PSG humbi vendin e parë, pasi Benfika fitoi 1-6 në Izrael përballë Maccabi Haifa, ndërkohë që Juventusi kualifikohet në Europa League.
Discussion about this post