Kryetari i KQZ Ilirjan Celibashi doli sot në një komunikim për mediat, ku foli për fushatën e zgjedhjeve të ardhshme vendore dhe koston që do të ketë ky proces. Ndërkohë, ai u u pyet edhe për regjistrimin e Partisë Demokratike, duke qenë se është e ndarë në dy pjesë. Celibashi deklaroi se nuk mund të japë përgjigje për këtë çështje duke marrë parasysh se kjo është një temë në shqyrtim në Gjykatë dhe nuk mund të flasë pa patur një vendim nga Apeli.
Lexo edhe: “Ja kur nis fushata”, Celibashi zbulon koston e ‘kripur’ të zgjedhjeve vendore
“Nuk mund të japë një përgjigje sepse është një proces në shqyrtim, në momentin që kjo çështje do të jetë për t’u diskutuar do ketë tranparencë në lidhje me atë vendim që do të marrin dhe nuk është fare momentin për këtë çështje”, tha ai.
Gjykata e Apelit shtyu dje për datën 10 nëntor mbajtjen e seancës pas ankimimit të bërë nga grupi i përfaqësuar nga Enkelejd Alibeaj.
Institucioni tha se kjo shtyrje u bë me kërkesë të palës apeluese. Palët janë në “përplasje” mes tyre në lidhje me pronësinë e vulës dhe logon e Partisë Demokratike.
Discussion about this post