Pjesët e një rakete kineze do të bien në mënyrë të pakontrolluar. Disa aeroporte kanë mbyllur hapësirën e tyre ajrore. Bëhet fjalë për atë të Barcelonës, Tarragonës, Ibizës dhe Reus. Këto aeroporte pritet të qëndrojnë të mbyllura për rreth 40 minuta. Në Ibiza mund të zgjasë deri në 3 orë.
Lexo edhe: Bota mban frymën! Pjesë 3 tonëshe e raketës kineze bie nesër në tokë
Një zëdhënës i Agjencisë së Mbrojtjes Civile të Katalonjës konfirmoi: “Për shkak të rrezikut që lidhet me kalimin e objektit hapësinor CZ-5B që kalon hapësirën ajrore spanjolle, fluturimet janë anuluar nga ora 09:38 deri në 10:18 në Katalonjë.
“Eurocontrol na ka informuar për hyrjen e pakontrolluar të një rakete kineze në atmosferën e Tokës”. Kina ka dërguar në hapësirë pjesën e tretë dhe të fundit të stacionit hapësinor Tiangong. Paralajmërimi ishte dhënë të hënën. Spanja mund të ishte një nga zonat që mund të rrezikohej nga rënia e mbetjeve të raketës.
Moduli i quajtur Mengtain u nis në hapësirë nga qendra e nisjes së satelitëve Wenchang në provincën jugore të ishullit Hainan.
Discussion about this post