Ylli Mera është shqiptari që u zhduk më 1 nëntor nga Arethousa e Selanikut. Historia e tij u kthye në një mister të vërtetë, pasi trupi i pajetë i 51- vjeçarit u gjet pasditen e së dielës.
Viktima ishte denoncuar i humbur më 4 nëntor. Ai ishte shkuar për të prerë në mënyrë të paligjshme pyjet në një masiv malor së bashku me një shtetas 59-vjeçar. Shqiptari kishte një marrëdhënie pune me 59-vjeçarin.
Lexo edhe: I zhdukur prej një jave, gjendet i vdekur shqiptari në Selanik (EMRI)
Gjatë punës 59-vjeçari ka mbetur i plagosur dhe më pas në rrethana ende të paqarta ka mbetur i plagosur për vdekje edhe 51-vjeçari në kofshë. Sipas vlerësimeve të para, plagosja e 51-vjeçarit është shkaktuar nga një mjet i përdorur për prerjen e drurit . Ndoshta një motosharrë me zinxhir.
Pak më vonë, 59-vjeçari ka telefonuar djalin e tij i cili e ka dërguar në një qendër shëndetësore aty pranë por pa 51-vjeçarin. Në fakt, 59-vjeçari dyshohet se i ka hedhur në rrugë celularin 51-vjeçarit Ylli Mera.
59-vjeçari, përfshirja e të cilit në këtë ngjarje po hetohet, së bashku me djalin e tij 28-vjeçar, janë arrestuar dje për armëmbajtje pa leje. Për ta po krijohet një dosje.
59-vjeçari u arrestua pasi sipas APE-MPE, pas kontrolleve në banesën e tij iu gjetën gëzhoja. Autoritetet kanë vënë në pranga edhe djalin e tij 28-vjeçar. Pasi ai posedonte në mënyrë të paligjshme një thikë. Të dy u referuan për t’u gjykuar me procedurë automatike.
Rastin e ka marrë seksioni i Krimeve Kundër Jetës.
Discussion about this post