Tensionet/ Albin Kurti fton liderët e opozitës në takim

Kryeministri i Kosovës, Albin Kurti ka ftuar në takim krerët e partive opozitare për të diskutuar në lidhje me situatën në veri të Kosovës.

Takimin i cili do të mbahet nesër, raportohet në media se e kanë konfirmuar nga PDK dhe AAK, ndërsa ende nuk dihet për sa i përket LDK-së.

Takimi në mes Albin Kurtit dhe Ramush Haradinajt është raportuar se do të zhvillohet në orën 8:00 të mëngjesit.

PDK sot, përmes një letër publike ka shprehur gatishmërinë e saj për të komunikuar hapur dhe në vazhdimësi me Qeverinë e Kosovës rreth situatës së krijuar në pjesën veriore të vendit.

Lidhja Demokratike e Kosovës për situatën në veri ka ftuar institucionet e Republikës për koordinim të ngushtë me ShBA-të dhe aleatët tjerë evropianë.