Kryetari i Partisë së Lirisë, Ilir Meta ka komentuar largimet e dy deputetëve të PD, Grida Dumës dhe Alfred Rushajt, nga selia blu në më pak se 24 orë.
Sipas tij, këto janë vendime individuale që duhen respektuar, ndërsa theksoi së vëmendja kryesore nuk është tek parlamenti, por tek protesta e 12 nëntorit.
“Çdo akt individual është i respektuar dhe nuk më takon mua të jap komente për dorëheqje te tyre që në çdo rast duhet të respektohen. Ajo që ju them me siguri është që parlamenti i 25 prillit është i deformuar.
Është një hap para parlamentit të “kërpëratave”, por është larg të qenit një parlament funksional, një parlament që kontrollon qeverinë, që mbron institucionet e pavarura, një parlament që respekton kushtetutën dhe tani vëmendja është tek 12 nëntori dhe dita e protestës kombëtare. Vëmendja është atje dhe jo tek parlamenti.
Nëse parlamenti do funksiononte protesta nuk do ishte kaq e nevojshme dhe presion i qytetarëve nuk do ishte kaq i madh.
Qëndrimi ynë si PL është pjesëmarrje në parlament dhe çdo institucion, por ne e dimë që fuqia e opozitës nuk mund të jetë në parlament edhe pse aty duhet bërë çdo përpjekje që çdo votë që është hedhur kundër rilindjes të justifikohet.
Ne e dimë që rezultati i 25 prillit ishte i manipuluar. Pra mendoj se vëmendja është tek 12 nëntori dhe me një pjesëmarrje të madhe qytetare që zëri i qytetarëve të dëgjohet nga të gjithë”, tha Meta.
Lexo edhe: “Cila është kompania?”, Meta- Ramës: Përgjigju këtyre pyetjeve
Discussion about this post