Deputetja e Partisë Demokratike Albana Vokshi reagoi sot në Kuvend, pas ofendimeve të kryeministrit Edi Rama drejtuar deputetëve të opozitës. Ajo u shpreh ndër të tjera se ka kërkuar masë disiplinore ndaj Ramës, duke theksuar se në momente të tilla çdo deputete duhet të largohet.
Gjithashtu, Vokshi e ka quajtur Ramën si kryedhunues verbal. Ajo ka ironizuar edhe ministret, pasi në momentin që po mbante fjalën, po flisnin pa mikrofon.
Vokshi: Jam e sigurtë që çdo qytetar që e kishte këtë mundësi ka qenë para Tv për të dëgjuar kryeminstrin që të fliste mbi buxhetin, mbi ndarjen e tij dhe për pensionet e tyre. Po çfarë dëgjuan dje nga kryeministri, fyerje, nënçmime, ofendime. Si deputetet jam e turpëruar që Rama ka folur kështu në këtë sallë. Si prind jam e zemëruar që ai lejohet të flasë kështu. Në media kudo në vend ishin lajmet, Rama shan opozitën, bedelë e kryebedele.
Në vend të buxhetit, shqiptarët dëgjuan ofendimet e kryeministrit. Në sallën e këtij parlamenti është kryedhunuesi verbal. Çdo deputet duhet që të ndahet nga kjo sjellje e dhunshme nga gjuha e kryeministrit. I bëj thirrje kryeparlamentares që të marrë masa ndaj gjuhës së Ramës. është e pafalshme që Rama të lejohet të flasë kështu në këtë sallë. Unë dhe çdo deputete duhet që të distancohemi dhe duhet që të dalim nga kjo sallë nëse Rama flet kështu me këtë gjuhë. Çdo gazetar duhet që të distancohet dhe të mos bëj lajme për Ramën. Ky është mallikimi që po largon të rinjtë nga ky vend. Vota ime kundër buxhetit është kundër.
Discussion about this post