Grida Duma shfaqet në Top Channel, ja programi që pritet të nisë

Dy ditë pasi dha dorëheqjen si deputete e Partisë Demokratike, Grida Duma është shfaqur në ambjentet e Top Channel.

E vendosur tashmë për tu shkëputur nga salla e Kuvendit, mësohet se ajo do të moderojë një program politik, me format tërësisht ndryshe.

Lexo edhe: Grida Duma dorëzon mandatin e deputetes: Vendimi i duhur!

Titulli i emisionit do të jetë “Top Story”, i njëjtë me atë që ka mbajtur gazetari Sokol Balla, kur ishte pjesë e këtij televizioni.

Kujtojmë se dorëheqja e Dumës erdhi si një vendim i papritur, pas marrjes së mandatit të deputetes në zgjedhjet e 25 prillit 2021.

Figura e saj spikati në parlament për ligjëratat e forta dhe qendrimin opozitar, veçanërisht kundër kryeministrit Edi Rama dhe pushtetit të tij pothuajse 10-vjeçar në drejtim të qeverisë.